დახურეთ ზეცა!

  • კატეგორია:

    • სტუმარი

    (ილიას)

    წარსულს კალენდრის უჯრაში ვკეცავ,....
    ვერ ჩამოვწყვიტე ლაჟვარდს ღრუბლები...
    არ შემაწუხოთ, დახურეთ ზეცა!
    ღმერთს გულახდილად ვესაუბრები...
    -საკუთარ ძმათა სისხლში ვიხრჩობი
    სატრფოს ცრემლები მაწვიმს ნოტებად.
    ვეპოტინები კალთას ღვთისმშობლის,
    მხოლოდ მას ესმის ჩემი გოდება....
    -საკუთარ ძმათა სისხლში ვიხრჩობი
    სატრფოს ცრემლები მაწვიმს ნოტებად.
    ვეპოტინები კალთას ღვთისმშობლის,
    მხოლოდ მას ესმის ჩემი გოდება....
    რა ვქნა, უფალო?!, დრო დადგა რთული -
    იმედი ვთესე, ამოდის ღვია...
    და ვისაც ჩემი ვუძღვენი გული
    მადლობის ნაცვლად მაჯახა ტყვია!
    - ირბინე, სანამ ტყვია თბილია,
    დროს ჩამოგარჩენს ნაბიჯი ნელი!
    მოკვდე? - სიკვდილი ხომ ადვილია,
    დაბადებაა ამქვეყნად ძნელი!
    -მაშ, სანამ ვცოცხლობ, ვირბენ მამულში,
    ჯანდაბას ჩემი გულისნადები
    და რომ მოვკვდები, ქართველთა გულში
    მომავლის რწმენად დავიბადები!...
    ჩემს ცხოვრებაშიც დადგა ავდარი,
    გულს შეეხიზნენ რუხი ღრუბლები...
    დახურეთ კარი, დახურეთ კარი! –
    ღმერთს სამშობლოზე ვესაუბრები....

    ავტორი: გენრი დოლიძე